影片
更多
2023-02-24
116 浏览
我久仰「Little Bao小包包」大名好耐，呢日去开铜锣湾就决定试试。平日夜晚七点几钟都已经好爆场，人气好高！另外环境同服务方面都唔错。黑松露薯条Truffle Fries($98)，🍟炸薯条并唔系普通油炸咁简单，而系伴上鲁「肉」酱同黑松露沙律酱。鲁肉其实系指鲁香菇🍄，食落双重菇香。铺面仲有黄色一条条嘅腌日本大根，骤眼睇以为系菊花作点缀。薯条偏幼身，似麦记𠮶种，薯肉比较薄。墨西哥炸云吞Shrimp Tacos($98)，🥟炸虾云吞一客有四件，云呑馅真材实料，有原只爽弹鲜虾🦐。由于饺皮厚身，所以炸起上嚟同酒楼点心嘅春卷皮有啲唔同，反而似墨西哥脆皮Tacos。炸物以甜甜酸酸嘅菠萝莎莎同牛油果酱调味，既新颖又搭调。招牌猪腩包Pork Belly Bao($98)，餐厅嘅小包包(Bao)唔系一般汉堡包🍔，因为面包用上馒头包，质感非常松软，而且甜甜哋，更能突显酱汁同馅嘅味道。🐷猪腩系招牌口味，入面夹住四大件慢煮猪腩肉，肉质软腍，卤得入味，配上pm海鲜茄汁，进一步提升滋味。其他食材仲包括酸瓜、大葱紫苏叶沙律同芝麻酱等，成个组合好正，连平日唔食大葱嘅我都破例食埋😋。同时，我觉得呢道菜有啲似台湾小食
我久仰「Little Bao小包包」大名好耐，呢日去开铜锣湾就决定试试。平日夜晚七点几钟都已经好爆场，人气好高！另外环境同服务方面都唔错。
黑松露薯条Truffle Fries($98)，🍟炸薯条并唔系普通油炸咁简单，而系伴上鲁「肉」酱同黑松露沙律酱。鲁肉其实系指鲁香菇🍄，食落双重菇香。铺面仲有黄色一条条嘅腌日本大根，骤眼睇以为系菊花作点缀。薯条偏幼身，似麦记𠮶种，薯肉比较薄。
墨西哥炸云吞Shrimp Tacos($98)，🥟炸虾云吞一客有四件，云呑馅真材实料，有原只爽弹鲜虾🦐。由于饺皮厚身，所以炸起上嚟同酒楼点心嘅春卷皮有啲唔同，反而似墨西哥脆皮Tacos。炸物以甜甜酸酸嘅菠萝莎莎同牛油果酱调味，既新颖又搭调。
招牌猪腩包Pork Belly Bao($98)，餐厅嘅小包包(Bao)唔系一般汉堡包🍔，因为面包用上馒头包，质感非常松软，而且甜甜哋，更能突显酱汁同馅嘅味道。🐷猪腩系招牌口味，入面夹住四大件慢煮猪腩肉，肉质软腍，卤得入味，配上pm海鲜茄汁，进一步提升滋味。其他食材仲包括酸瓜、大葱紫苏叶沙律同芝麻酱等，成个组合好正，连平日唔食大葱嘅我都破例食埋😋。同时，我觉得呢道菜有啲似台湾小食刈包。
天妇罗软壳蟹包Soft Shell Crab Tempura Bao($138)，软壳蟹包系期间限定款式✨，呢个包包比起另一款巨型，而入面只软壳蟹就比个包还要大🦀，面包完全遮盖唔住。软壳蟹以天妇罗方式脆炸，炸浆层薄薄的，蟹肉肥美饱满，仲渗出微微酒香。大包仲夹住一堆蟹籽萝卜沙律，蟹籽爆浆脆卜卜，腌萝卜都脆，但由于易出水，所以食到尾段个包湿湿哋，稍为影响口感。
餐厅嘅甜品同样系包包🍨，我哋要咗两款口味，分别系盐味雪糕包Salted Ice Cream Bao($48)同埋榛子意式雪糕包Hazelnut Gelato Ice Cream Bao($78)，后者系期间限定款式。雪糕包的骰可爱，面包炸至金黄色，沾上少量砂糖，感觉有啲似四川小食炸馒头。盐味雪糕同焦糖酱互相配合，相映成趣。🌰榛子口味即系好似食紧Nutella咁，再加埋朱古力碎，甜甜的。如果两者比较，我钟意海盐焦糖多啲。
饮品方面，靓靓粉红色嘅系🌸Cocktail: Sakura Breeze($88)，佢由伏特加、樱花、柠檬同薄荷叶所沟成，樱花味道自然，唔会太甜，而且酒精浓度唔高，易入口。另一杯系🍊Mocktail: Yuzu Maple Soda($58)，第一啖饮完全系冲突味蕾，味道富层次，百般滋味在口中。柚子味最为突出，并同时渗出枫糖香，最后仲有紫苏叶同海盐嘅回甘味道，海盐唔系得咸，而系带点烟熏味。
总括嚟讲，小包包唔系浪得虚名，原本以为只系打卡噱头嘢，点知味道都唔错，又有特色，系好出色嘅Fusion菜，推介一试！
张贴
