飲茶 (已結業)

得意点心名字特别，卖相可爱，造型吸引。单单睇菜单上的中文名字，都唔知𠮶样食物系咩，要睇埋英文解释先知。最后我哋拣咗六款，有五款系造型特别嘅点心。青瓜皮虾- 清新嘅冷盘，虾又大又爽，唔错。鸽吞凤梨- 即系凤梨酥。一个鸟笼有三只雀仔，凤梨酥就食得多，但系热辣辣新鲜焗起嘅凤梨酥就第一次食，好香。睇住流奶- 即系流沙奶皇包。食嘅时候真系要小心，真系流晒出嚟。流沙奶皇做得几有咸蛋香，又唔太甜。一笼八戒- 即系叉烧包。造型系猪仔， 十分可爱，唔舍得食。但味道就是普通的叉烧包。胭脂玫瑰- 即系馒头，但有可爱的玫瑰花造型，所以食嘅时候感觉零舍唔同，哈哈。玫瑰花挞- 即系苹果挞，造型十分精致，一瓣瓣玫瑰花瓣又系靓到唔舍得食。