Dazzling Cafe (皇室堡) (已結業)

Dazzling Cafe📍铜锣湾去过Dazzling Cafe嘅朋友都知道呢间餐厅嘅风格系有日系女仆风嘅感觉，餐厅唔少櫈都加咗对兔耳仔，装潢好可爱。可惜餐具盒上面嘅纸巾喺坐低之前已经染有少许污迹，有少少影响观念，如果安排客人入座之前可以check清楚就更加好。仲夏光芒蜜糖吐司 $118吐司配上咗蜜糖、芒果雪糕同埋芒果雪芭。值得一赞嘅系虽然全部配料都系甜嘅，但系配埋一齐一啲都唔漏，甜度啱啱好。芒果雪糕酸酸甜甜，配埋吐司一齐食超正。青酱奶油鸡腿面套餐 $120鸡腿煎得啱啱好，切嘅时候仲有肉汁流出来。青酱嘅调味都好正，食落好有basil嘅香味。跟餐仲有一个沙律同一杯饮品， lunch嚟食呢个质素算系几抵。爱民芒果乌龙冰茶 $48原本想叫少甜，点知店员话冇得少甜。嘢饮上到嚟虽然冇少甜到，但系佢嘅甜度啱啱好，同一般手调饮品嘅少甜其实差唔多。饮品入面有粒粒芒果肉，配上乌龙茶感觉好清新，好适合夏天解渴饮。