Cakebearbear (已結業)

喺网上见到有好可爱嘅熊啤啤主题餐厅就过嚟同朋友一齐打卡啦！价钱都非常合理，午市套餐$100都唔使！除咗有靓装修，同埋可爱嘅熊公仔，连所有餐具都系用高级货！整个用餐体验非常精致！高度推荐呢个明太子大虾意粉！因为个意粉酱系粉红色㗎 ！好浪漫呀！大虾咬落好新鲜而且煎香左！个薯蓉非常好食！好Creamy应该加咗少少芝士！牛扒生熟度刚刚好，而且好厚身，份量有成10安士，份量十足！主角出嚟啦，系熊仔蛋糕啊！可以揽住熊公仔食熊仔蛋糕真系少女心满满！如果想试熊熊蛋糕都只系加$50 ！熊熊蛋糕系芝士蛋糕嚟嘅造型非常可爱，睇见都唔舍得食呀！原来食完嘢仲可以储印花换好可爱嘅熊公仔！而家开始食，储到情人节就可以做礼物送俾女朋友啦！