大熊貓餐廳 (已結業)

喺海洋公园行咗一轮想唞唞，就入咗大熊猫餐厅。环境唔错，有唔少熊猫相。价钱，吓死人！烧味饭都$128! 驶唔驶呀！唔太肚饿试吓点心算。见到熊猫奶皇包，上次喺迪士尼酒店食卡通点心嘅阴影又再浮现: 造型一百分，可惜可能制作需时，食落竟硬到似翻叮隔夜点心... 不过呢个熊猫奶皇包只需$28三件，算平了，即管一试，反正选择不多...喺零期望下一食，咦，ok㖞！虽然奶皇少到似奶酱搽馒头，起码个包系软嘅！造型不及迪士尼点心，但总算认得出熊猫样。呢个点心算ok. 毕竟，食物系攞嚟食，唔系净系攞嚟玩同影相的...