貓之茶房 (已搬遷) 新店位置

一早已经答应陪朋友去猫猫cafe，今日终于抽到时间去啦！！荃湾店好近地铁站，响B出口经天桥行落嚟大河道，三分钟就到！今日上去时唔算太多人，一入门有位置畀你换拖鞋，仲有酒精搓手液提供，清洁好双手摸猫猫，啲猫猫都放心啲～店员好细心提醒晒所有要注意嘅地方，之后就安排好座位。佢会畀个大胶袋你袋住啲手袋杂物，以免被猫猫弄脏或者误咬。店内只提供饮品同蛋糕，并无正餐供应，价钱比想像中便宜。店内的猫猫都十分可爱～虽然不是每一只都会黏人，但全部都可以任摸任撸～基本上你嘅手机系冇乜时间可以放低，每一秒都可以影到可爱沙龙…店内会提供小食畀你购买嚟喂猫，但店员真系好细心，因为渐渐客人多咗，佢就只提供小份零食（有分大细），以免猫猫过饱～当然，佢哋都好有性格，有啲食饱咗就唔再so你，有啲就不断问你攞嚟食～基本上店内清洁卫生情况比想像中优秀，地上基本没有猫毛及猫砂，但因为猫猫数量多（有二十多只），难免会有少许味道，但几分钟后已完全察觉不到了。店内以逗留时间计算，$58/小时，小朋友仲有折扣。我自己都有养猫，所以睇得出店员都是爱猫之人，整个体验感觉非常良好！