Terrace in seaside (德福廣場1期)

营业中

休息中

放工去德福广场睇下有咩食，见到有间柑橘主题嘅韩式Cafe劲得意🍊有主食，有甜品又有精致饮品，决定去试下。韩国蚬肉紫苏饭 $118————————————粒粒蚬肉同饭嘅比例系一比一，好抵食。少少辣味，成个配搭系超好送饭，一啖蚬肉一啖饭，不经不觉食晒成大碟紫苏饭。炭烧鸡肉饭卷 $78————————————经典嘅韩国饭卷，令我置身野餐嘅感觉，青瓜、蛋、萝卜、芝麻，加上炭烧鸡肉，既清新又丰富不单调。至臻蜂巢无花果窝夫 $188————————————啲Cream超软绵绵，配上富蛋香味松软嘅窝夫🧇真系好正呀，再加上草莓同无花果，更加丰富。最钟意系个蜂巢，好细啖食都已经劲多蜂蜜爆出嚟，正。济州柑橘乳酪 $68————————————超可爱，成大个柑橘🍊，饮落去好多果肉，原来柑橘同乳酪咁夹。漂浮棉花糖朱古力咖啡 $52————————————棉花糖真系一直漂浮直到饮完杯Mocha，好治愈嘅感觉☁️暖暖的一杯。