抹茶館 (已結業)

黎到好好彩唔洗等，即刻有位✌🏼一开始比个2人餐吸引左，包野饮小食同主菜都系二百几蚊，但望真啲佢只系包最普通既绿茶，想饮其他抹茶特饮都只可以原价减$10，而且个餐完全冇甜品优惠，所以最后就决定散嗌。主菜叫左温泉蛋卡邦尼乌冬，温泉蛋好滑，但个乌冬食落系比较淡味既，烟肉份量都唔少，但如果煎过会香好多啰，基本上我觉得佢应该叫做温泉蛋牛奶汤乌冬至啱。甜品就真系完全冇令人失望，外表靓之余亦非常好食，而且唔会太甜。两层绿菜pancake中间夹著cream同麻薯，上面有双色雪糕同红豆cream，食落个口感好夹！个人就觉得唔落佢随碟附送既糖浆同果酱都已经好好味😋提提大家主菜食到一半就要嗌甜品喇，因为佢都整好耐下。