樂園 (已搬遷) 新店位置

网上见到呢间嘅猫猫好可爱，就预先Book位，无耐就收到店家嘅Whatsapp提醒，详述用餐嘅注意事项同点样去间餐厅，都算贴心。店舖系iSquare对面，我地早左少少去，𠮶阵店内唔算好多人，有打卡用少女花墙，猫猫系白色嘅餐枱到随意行紧，劲可爱，帮佢地影左好多相。二人枱偏窄，我地都唔太肚饿，净叫左松子仁有机蕃茄豆腐沙律（$78）同烤焗西班牙黑毛猪架配薯菜（$208）。松子仁有机蕃茄豆腐沙律（$78）系正正常常嘅日式沙律，麻酱几香，菜都算新鲜。烤焗西班牙黑毛猪架配薯菜（$208）一上枱就见到阵仙气，摆盘适合打卡，调味偏咸左少少，不过肉质唔错。薯条放系猪下面就淋左少少，唔系应该几香脆。店员服务态度几好，都会适时加水，系店内座位通道都窄，坐满人𠮶时行路要小心。