たまご園 (奧海城二期)

营业中

休息中

今日经过奥海城，大大同细细当然又话肚饿，要食𠮶Tea。我哋拣咗呢间小朋友最钟意嘅餐厅，因为佢系以蛋为主要食材，小朋友叫佢做蛋蛋店。😅入到去餐厅以黄色、橙色、绿色为主色，再配以浅木质墙身和座椅，感觉好清新。仲有蛋蛋咕𠱸、蛋蛋枱、蛋蛋摆设！蛋蛋灯罩⋯⋯小朋友都好钟意。吉列豚三文治配薯条呢度菜必须推介，薯条炸得香脆美味，包质松软，烘过又脆脆地，猪扒够厚，炸得松脆又入味，配埋沙律菜同沙律酱食，味道一流。和牛肉酱意粉配慢煮蛋意粉弹牙，唔会煮得太淋，配埋和牛肉酱食，再加上慢煮蛋，味道唔会太浓，好夹，好味！招牌玉子烧即叫即制嘅玉子烧，蛋味好香浓，质地又香滑，唔使点酱汁，味道都刚刚好。