Rakuraku 樂拉麵 (MegaBox)

营业中

休息中

Megabox星期六日真系特别多人，仲要系多小朋友的家庭客，所以想系度揾食都唔系咁容易。呢间拉面冇得拿飞，要企系门口等大约20分钟先成功入位，枱同枱之间冇咩空间加上座位本身都好窄，为左去IKEA买家品，只好黎个快食. 慢煮牛舌黑椒汤拉面慢煮牛舌系季节限定口味，见佢几特别就试下先。卖相其实一般般，黑椒汤底好浓味仲有少少辣味，但都系偏咸左少少。牛舌方面就好淋不过冇咩牛味，拉面都OK，唔会太淋或者太硬。食日本拉面黎讲我就最钟意食溏心蛋，呢只蛋黄就岩岩好又有流心仲好有蛋味。樱花虾龙虾汤拉面另一个樱花虾龙虾汤拉面，一望个汤底就知非常重口味。龙虾汤底过份浓郁而且有少少咸，结果突显唔到龙虾的鲜味，配埋大量樱花虾食，每一口拉面都变得比较heavy。虽然拉面系正常水准，但系配搭起黎就唔算好好味，有d可惜。 整体黎讲，食物质素只系一般，主要问题系汤底上面，所以呢个90几蚊的拉面，性价比都偏低。