樂園 (已搬遷) 新店位置

今日因朋友介绍就去左呢间餐厅试下。入到去装饰几靓，几衬餐厅既主题。两只猫店长多多同宝宝超级可爱，由其是宝宝，肥嘟嘟唔惊人周围走。一开始餐厅已经准备好糖俾你点餐既时候食，几窝心。今次order左个薯蓉芝士焗西兰花，德国咸猪手，黑松露鲜菇意大利饭，一杯芒果热情果青柠特调和一杯红粉菲菲。先讲下个意大利饭，口感一流，做到意大利饭要求硬硬地既口感，不过可能本身自己食得比较浓，所以略嫌呢个食落有少少淡。之后焗西兰花不过不失，焗出黎都几香，西兰花同薯蓉几夹，不过芝士多返小小就更好。猪手都唔错，皮脆肉嫩，食落有阵阵咸香味，配埋蜜糖芥末酱真系绝配。份量亦十分足够，原只猪手配埋洋葱圈好够饱。最后两杯特饮好好味，红粉菲菲入口好清新，少甜，几好饮。另一杯特调系梳打黎，饮前可自行按自己口味加入果汁，有得饮又有得玩，好新奇。餐厅无限时间进餐，店员亦不时主动帮手影相同收嘢，抵赞！呢到仲有唔小board game和小游戏，加埋两只猫猫好适合庆祝节日或者一家大细黎玩下game食下嘢。