隼 (已結業)

隼香港嘅寿司店开到成行成市，要突围而出，就要靠寿司款式多元化，材料嘅质素，同埋主题餐厅的创意。MegaBox嘅隼寿司款式多元化，更有其他热食，同甜品等等。盛冈冷面，冷面清爽口感，带点嚼劲。茶碗蒸，炖蛋嫩滑。三文鱼腩寿司，赤虾寿司，都系香港人嘅至爱，鱼肉肥美。而近年更兴起赤烧寿司，今晚嘅赤烧芝士凡立贝同埋赤烧黑松露洋风三文鱼寿司，令芝士同黑松露嘅香味更加浓郁突出，衬托海鲜滋味。而且烧左口鱼裙边，鱼油脂喺口中爆出，非常享受。隼寿司嘅海胆系列同样出色，今晚嘅海胆军舰，满口海胆确实系非一般嘅享受。而海胆花之恋集合海胆同三文鱼刺身于一身，幸福感觉满写。甜品芝士蛋糕，比较结实嘅芝士蛋糕，却不乏牛奶芝士香浓味道。