Nun Desserts Cafe

营业中

休息中

呢间系位于旺角市中心嘅甜品舖，位置非常显眼好易揾！👍🏻👍🏻店内几乎全部嘅甜品望落去都好好食，其实望住真系会有啲选择困难症😂😂，最后我就拣咗韩式芝士蛋糕士多啤梨窝夫🍓🍓！！当佢上枱嘅时候，我有啲俾佢嘅份量吓亲，估唔到系咁大个，而且佢系陪埋炼奶一齐食真系谂吓都觉得好邪恶🤤🤤🤤！！基本上食完呢个甜品一定会饱晒肚✨✨✨佢嘅窝夫煎得好香脆！食落去又有啲软绵绵嘅感觉，几得意！个蛋糕都好好食？？其实点解唔系雪糕系蛋糕，餐牌写住系蛋糕，但系食落去明明系雪糕，呢个我都几疑惑？😂几样配搭埋一齐完全冇违和感！如果唔识点拣嘅话就食呢个啦😉😉！真系会俾到你一个好好嘅甜品体验，不过价钱方面就可能会有啲贵，但系如果你系谂住要好好食，又系士多啤梨控嘅话就唔好谂啦，拣佢就啱！🌟🌟🙆🏻‍♂️