2 Soon Cafe

营业中

休息中

之前朋友已经同我介绍过太子呢间Cafe，虽然细细地一间，但系真系喺区内好出名，因为真系超高质。今日我自己约埋朋友嚟，就完全明白点解，今日收工过嚟之后，大概七点嚟到，已经坐满晒人，而且成条街入面，呢间餐厅系真系比较突出嘅，装修系行小清新风，带点儿摩洛哥风，感觉好舒服。嘢食方面就系西班牙同日式嘅fusion，今次我哋要咗一个西班牙辣肉肠蕃茄蓝青口煲嘅tapas，主食就要咗蟹肉伏特加蕃茄忌廉粗管通粉同埋焦糖慢煮猪腩配汁煮大根及烧京葱。tapas虽然应该系细细地一碟，所以上枱见到份量咁多嘅时候都系有惊喜，所有青口都又大只又鲜甜， 十分肥美。我个人其实对pasta都几有要求，所以对个蟹肉伏特加蕃茄忌廉粗管通粉都确实系有surprised到嘅，口感al dente，而且瓜汁能力超高，酱汁好cream，好满足。朋友亦都话佢个焦糖慢煮猪腩配汁煮大根及烧京葱整得好好，猪腩完全冇鞋，而且好入味，有微微嘅甜味去解滞。如果有机会，下次一定会再嚟食brunch，见到佢有lunch Menu，但系对佢嘅咖啡亦都好感兴趣！