點饌 (已結業)

沙田石门至从有京瑞克广场，渐渐热闹起来，京瑞广场一、二期开咗大量新小店及餐厅，继之前亲子茶楼，今日去试 点馔Dim Sum Deluxe，可爱点心小店，超级吸引。我哋一早11点正凖时等佢开门攞位，店舖其实唔大，枱都只可以放大概10张，而我哋一行10人三个家庭，已经占咗整间小店一半，好彩一早到，因见佢哋电话不停响要订位亦有人等位，相信想试新嘢大有人在。服务态度唔错，门面有两个人，厨房亦都有两个，点菜落单程序简单快捷，上菜时间亦都非常神速，整体感觉好顺畅，一直亦有人加水及清理枱面食完碗碟。食物方面就非常有惊喜，点心外形有趣，同图片一模一样，份量亦唔细件，一向唔好食嘅哥哥见到得意点心都食不停，超兴奋，原来可爱食物卖相真系会增加食欲。我哋每样叫少少试下，价钱相对地比一般茶楼贵亦算合理，不过点心唔系款款咁有睇头，好似小朋友最爱叉烧包、马拉糕、烧卖就系一般普通造型，不过价钱亦无特别平，感觉就有d唔抵食。我哋亦有叫饭，不过其实唔需要，小朋友食点心都饱，饭份量亦唔少，不过饭同点心同价，咁食饭又会饱肚d，不过就无乜特别新奇，一般蒸饭类。