影片
更多
2023-12-21
20 浏览
最近非常火热既CareBears真系去到边都见到, 超可爱10色小熊主角亦同依间餐厅联乘推出CareBears菜式甜品等等, 我地平日去已见每张枱都坐满, 好在黎到立即有座位我朋友好钟意CareBears, 净系睇餐牌入面既食物相已经好开心, 所以我地都叫哂一齐打卡一齐食, 点完餐后店员即刻送上前菜酸萝卜同辣鱼糕片, 开左个胃啱啱好啲野食就黎啦!爱心传播饭卷七彩色紫菜饭卷放系木盘上好精美, 入面卷左鸡蛋, 红萝卜丝, 青瓜丝同日本黄萝卜, 饭卷咬一口完全无散开, 口感带少许烟刃, 同埋食落麻油香慢慢渗出, 开胃得黎几好味, 食唔停口!熊仔头蛳蚶拌饭平时食有血既蛳蚶就食得多, 估唔到辣酱拌匀既蛳蚶都OK㖞, 小熊样既泡菜炒饭够哂辣之余, 后劲几强, 再配埋蛳蚶肉带少少芝麻香咁食都几过瘾, 好似食紧蚬肉炒饭咁, 旁边有三只以葱蒜调味而成既鲜大虾, 食落爽口弹牙济州柑橘乳酪 本身我就系爱橙之人, 所以柑橘都系我至爱, 混合左益力多乳酸, 饮落清爽鲜甜又开胃, 而且仲解到辣, 此外每杯饮品都会附送一张CareBears既圣诞系列杯垫, 超级可爱呢!Starbuddies 紫薯南瓜冰剩系睇卖相杯
我朋友好钟意CareBears, 净系睇餐牌入面既食物相已经好开心, 所以我地都叫哂一齐打卡一齐食, 点完餐后店员即刻送上前菜酸萝卜同辣鱼糕片, 开左个胃啱啱好啲野食就黎啦!
爱心传播饭卷
七彩色紫菜饭卷放系木盘上好精美, 入面卷左鸡蛋, 红萝卜丝, 青瓜丝同日本黄萝卜, 饭卷咬一口完全无散开, 口感带少许烟刃, 同埋食落麻油香慢慢渗出, 开胃得黎几好味, 食唔停口!
熊仔头蛳蚶拌饭
平时食有血既蛳蚶就食得多, 估唔到辣酱拌匀既蛳蚶都OK㖞, 小熊样既泡菜炒饭够哂辣之余, 后劲几强, 再配埋蛳蚶肉带少少芝麻香咁食都几过瘾, 好似食紧蚬肉炒饭咁, 旁边有三只以葱蒜调味而成既鲜大虾, 食落爽口弹牙
济州柑橘乳酪
本身我就系爱橙之人, 所以柑橘都系我至爱, 混合左益力多乳酸, 饮落清爽鲜甜又开胃, 而且仲解到辣, 此外每杯饮品都会附送一张CareBears既圣诞系列杯垫, 超级可爱呢!
Starbuddies 紫薯南瓜冰
剩系睇卖相杯野饮颜色已经开心哂, 饮落有齐紫薯同南瓜味, 各自味道慢慢咁涌出黎, 唔会好甜, 味道刚好, 质感比较结身, 所以饮几啖都有啲饱肚感
Cloudseeker彩云窝夫
窝夫顶放左件济州柑橘肉, 食落又甜又清新, 窝夫夹饼中间既彩云色系忌廉, 睇落以为好腻, 但食落原来几香滑而且又唔甜, 好似食紧雪糕咁既质感, 不得不赞个窝夫整得好好食, 我地影左阵相放左阵先食, 都仲闻到窝夫个蛋香味好突出, 食落仲有带少少微脆口感, 一食个蛋香味充斥住系我口中, 真系好好食, 我如果无食正餐真系可以成件食哂, 依度既窝夫值得一试!
Care-a-lot彩虹乐园蛋糕
卖相爆灯既七彩彩虹蛋糕, 连同七彩橡皮糖扮滑涕既造型, 可爱到不得了, 蛋糕既质感就系美式蛋糕既造法, 食落实身啲, 入口比较容易啲碎, 味道唔算好甜, 不过我个人系比较钟意棉密质感多啲, 所以好睇个人喜欢口味
张贴
