影片
更多
2011-09-08
67 浏览
公司联欢，谂住开开心心夹钱食海鲜，点知.......蛏子皇：食过都知有几大只，点知一围十二人，得两三个有完整一只，其他都系得啲「碎」左手指尾咁大旧。豉油皇虾：十围枱，每围十二人，居然有啲得九只，有啲得十只。濑尿虾：平均七吋长一只，但唔知点解只只同我一刀两断，上半截揾唔返下半截，啲肉系霉嘅。海鲜汤：滚水一样。蚝煲：有一半变左蚝豉。我地去相熟海鲜档买海鲜（我同事屋企开嘅）佢地话我地一百二十人佢地都数左（真系有数）一百三十几只虾俾我地；海鲜汤就执左廿斤料，平均每围有两斤原料，就算得虾壳同鱼骨都有味啦，何况当中有蟹同啱啱瓜左嘅斑仔，但酒楼个梁总经理居然话啲蟹煲溶左㖞（真系闻所未闻）仲有㖞，原先啲料唔见左，但居然俾返只海星我地㖞（真系多谢哂）咁啲虾唔通生猛得滞自己走左？打开门口做生意，居然打猫打成咁，咁样做生意，真系好可怜。。。最惨人地唔知以为搞手赚大钱，真系赚左就唔会系度呻啦，搞到今日都仲要解画，睇嚟我地先最可怜。。。
蛏子皇：食过都知有几大只，点知一围十二人，得两三个有完整一只，其他都系得啲「碎」左手指尾咁大旧。
豉油皇虾：十围枱，每围十二人，居然有啲得九只，有啲得十只。
濑尿虾：平均七吋长一只，但唔知点解只只同我一刀两断，上半截揾唔返下半截，啲肉系霉嘅。
海鲜汤：滚水一样。
蚝煲：有一半变左蚝豉。
我地去相熟海鲜档买海鲜（我同事屋企开嘅）佢地话我地一百二十人佢地都数左（真系有数）一百三十几只虾俾我地；海鲜汤就执左廿斤料，平均每围有两斤原料，就算得虾壳同鱼骨都有味啦，何况当中有蟹同啱啱瓜左嘅斑仔，但酒楼个梁总经理居然话啲蟹煲溶左㖞（真系闻所未闻）仲有㖞，原先啲料唔见左，但居然俾返只海星我地㖞（真系多谢哂）咁啲虾唔通生猛得滞自己走左？
打开门口做生意，居然打猫打成咁，咁样做生意，真系好可怜。。。
最惨人地唔知以为搞手赚大钱，真系赚左就唔会系度呻啦，搞到今日都仲要解画，睇嚟我地先最可怜。。。
张贴