香港郵意 (已結業)

前几日同朋友去尖沙咀行街，之后行到近尖东个边，就去左首都商场行，行行下见到有间香港邮意的餐厅，见7点几时间，但间嘢无乜人，所以就谂住食下饭同hea下。原来呢间香港邮意系自助餐厅，自己买嘢食，自己拎，仲要自己执返个盘同分返餐具，但系我地行到好累又有点肚饿，至在想揾个地方hea，又医到个肚，所以都照拣。我地每人order左一个意粉，我拣左香草汁菠菜杂菌意粉，而我朋友就系黑松露汁杂菌意粉。先讲我个意粉先，个意粉都几咸，唔知系味精重定点，食完超口渴，除左咸味亦食唔出咩特别的味。因为超口渴，所以想问佢拎杯水，但发现佢写鼓励饮佢地的咖啡，所以唔提供水，更推销有气矿泉水。建议大家真系想试，可以自备水，或者行前几步去买水，因为唔饮嘢真系唔得。至于我朋友点个个意粉，味道还可以，比我个个好，无我个个咁咸，但一样都食到超口渴。总括而言，只要对食物没有要求，唔追求好味、肾功能好同有带水，只求揾地方坐，又唔想食同坐麦当当快餐店，先考虑到香港邮意。