爆丼屋 (已搬遷) 新店位置

只系排队攞筹已经一流服务，见有有人攞住筹，就行埋去柜台攞筹啦(当时柜台无人)，行到埋去柜台有个著住应该系经理衫嘅亚叔，见佢行埋嚟就同佢讲3位，佢完全无理我，佢就叫1号筹就带埋位，佢带完位出嚟，我再同佢讲3位，都系一样无理，佢就叫2同3号筹，再带埋位就返出嚟问几位，佢比咗张5号筹3位我，就叫我等等，好快执好枱有位，(当时门口只有一个系到等外卖嘅客人)，咁当然就等啦！到等咗15分钟，佢又出嚟叫有无2位或者3位？当时有几家人系到，开始个个就就攞张筹出嚟，𠮶位亚叔无睇号码就带咗一家3口入去，跟住就有人问究竟应该系边个先，我就见到𠮶个人攞住3号筹，𠮶亚叔就问佢职员𠮶筹几时写，个职员话啱啱写，但𠮶亚叔就话比佢入先，理由系佢抱住小朋友，咁即系唔驶派筹啦！最后当然系无入去食啦！因为我唔会知未到我入去嘅呢段时间仲有几多个手抱小朋友嘅人嚟排队。