影片
更多
2017-03-17
2856 浏览
又系日本菜嘅食评～实情系食左几日茶记冇野好post姐...其实嚟过几次，但嘉咸街对我嚟讲有啲远，加上成日冇位，所以先不在我首选之列。喺中环见到呢啲面门有时真系唔敢乱入，格局完全唔系一个低档次嘅地方... 入到去系正常餐厅样，唔系特别高级嘅啫😌睇埋个lunch menu直头抵食，鱼生饭$98起，有埋沙律、汤同甜品，仲唔加一，中环边度揾呀？？？沙律普通啦，去到日本餐厅成日都expect落芝麻酱，但呢个系千岛酱嚟... 面豉汤又几好味，我成日觉得一味咸好似饮豉油咁，点知呢个又ok噃。北海道鱼生饭$108，一上碟睇到出样样都有光泽，感觉好似几新鲜，三文鱼都几肥下，不过好嘅三文鱼唔难遇到嘅，反而带子同海胆唔新鲜嘅会苦苦腥腥，今日两样都食到系甜！最尾仲有个迷李雪米糍，虽然只系维记，但已经好满足。$108唔加一真系好满意，可能系全中环性价比最高嘅鱼生饭set lunch😂
其实嚟过几次，但嘉咸街对我嚟讲有啲远，加上成日冇位，所以先不在我首选之列。喺中环见到呢啲面门有时真系唔敢乱入，格局完全唔系一个低档次嘅地方...
入到去系正常餐厅样，唔系特别高级嘅啫😌睇埋个lunch menu直头抵食，鱼生饭$98起，有埋沙律、汤同甜品，仲唔加一，中环边度揾呀？？？
沙律普通啦，去到日本餐厅成日都expect落芝麻酱，但呢个系千岛酱嚟... 面豉汤又几好味，我成日觉得一味咸好似饮豉油咁，点知呢个又ok噃。
北海道鱼生饭$108，一上碟睇到出样样都有光泽，感觉好似几新鲜，三文鱼都几肥下，不过好嘅三文鱼唔难遇到嘅，反而带子同海胆唔新鲜嘅会苦苦腥腥，今日两样都食到系甜！
最尾仲有个迷李雪米糍，虽然只系维记，但已经好满足。$108唔加一真系好满意，可能系全中环性价比最高嘅鱼生饭set lunch😂
张贴
