金源小館 (已結業)

胶圆櫈肩踫肩只有半个人行到嘅通道，真系活现咗香港嘅土地问题。虽然环境不足，但依然门庭若市，优质细心服务应记一功。山东烧鸡 真鸡+素鸡嘅组合真系估佢唔到，鸡肉滑。个汁满满成碗蒜，再强调系成碗，令我联想起首尔弘大个蒜蓉猪手，好蒜者必爱。蒸扇贝 size无得输，嚿肉直径8cam，连群边，但可惜鲜味不足而且有啲overcook梅菜炒菜心 又系另一估佢唔到组合，好有生死恋或亲子井feel，但菜心好老同无甜味，做唔到个咸与甜、老与嫰嘅对比。镇江骨 肉排大大件，肥肉特有的弹牙肉质，镇江醋酱汁香浓挂汁，醋嘅酸味刚好中和肉嘅肥腻感，送到几碗饭，必点推介。小炒王 成日去酒楼点小炒王都瀬嘢，遇到啲虾干又硬又咸又干嘅机会率好高。呢度虾干有切细，SIZE同其他材料相约，融合其中。腰果花生保持香口卜卜脆，无因为炒完而淋哂。饭后送糖水，下次想试佢有成页纸嘅甜品。除咗以上菜式外，仲叫左两条炸鱼、虾子豆腐、翠肉瓜、咕噜肉，请埋生日主角每人才160, 抵食！