影片
更多
2023-07-23
9062 浏览
💁♀️💁♂️ 1/7/2023(Sat), Lunch🍽放假嘅一日，为食妙妙同A先生朝早出咗去九龙区有啲事情要办，之后到接近中午又要揾食啦，忽然谂起好耐无食过澳牛嘅光速餐，即管兜一转过去睇吓食唔食到先。我哋大约正午时间到达，离远已经见到店外嘅人龙，大约排咗二十几人左右，好在呢度翻枱嘅速度都系同上餐速度一样咁快，我哋只系等咗唔够10分钟就可以入座。而今日我地order咗：🔆 茶餐（$52）茶餐预设嘅食物系牛油方包🍞、火腿煎双蛋🍳同埋叉烧汤意粉，当然亦都可以改做多士、炒蛋或者汤通粉。为咗配合呢度嘅节奏，所以A先生每次落单都系好精准用最简单嘅字数去落，今次只系：「茶餐要多士、炒蛋、通粉x2。」就完成落单嘅过程。落完单即刻喺裤袋拎个电话📱出嚟，谂住计吓光速餐要几快可以上到枱。点知拎完电话📱，都未开到个app，侍应就已经送上咗炒蛋多士😱，估计最多十零秒⏱️。当然其中一个原因系我哋坐得近水吧，占尽地理优势✌🏻😂。炒蛋多士嘅炒蛋煮得刚好，蛋仍是带流质的质感，入口嫩滑有蛋香。多士厚切，烘得外脆内软熟，再涂上牛油🧈，够晒香口好食。A先生有个习惯，食牛油多士时总会再洒上一点砂糖，令到多士除咗牛油🧈嘅香气之外
💁♀️💁♂️ 1/7/2023(Sat), Lunch🍽
放假嘅一日，为食妙妙同A先生朝早出咗去九龙区有啲事情要办，之后到接近中午又要揾食啦，忽然谂起好耐无食过澳牛嘅光速餐，即管兜一转过去睇吓食唔食到先。
我哋大约正午时间到达，离远已经见到店外嘅人龙，大约排咗二十几人左右，好在呢度翻枱嘅速度都系同上餐速度一样咁快，我哋只系等咗唔够10分钟就可以入座。
而今日我地order咗：
🔆 茶餐（$52）
茶餐预设嘅食物系牛油方包🍞、火腿煎双蛋🍳同埋叉烧汤意粉，当然亦都可以改做多士、炒蛋或者汤通粉。为咗配合呢度嘅节奏，所以A先生每次落单都系好精准用最简单嘅字数去落，今次只系：「茶餐要多士、炒蛋、通粉x2。」就完成落单嘅过程。
落完单即刻喺裤袋拎个电话📱出嚟，谂住计吓光速餐要几快可以上到枱。点知拎完电话📱，都未开到个app，侍应就已经送上咗炒蛋多士😱，估计最多十零秒⏱️。当然其中一个原因系我哋坐得近水吧，占尽地理优势✌🏻😂。
炒蛋多士嘅炒蛋煮得刚好，蛋仍是带流质的质感，入口嫩滑有蛋香。多士厚切，烘得外脆内软熟，再涂上牛油🧈，够晒香口好食。A先生有个习惯，食牛油多士时总会再洒上一点砂糖，令到多士除咗牛油🧈嘅香气之外，再添加一点甜美同粒粒砂糖嘅口感。
叉烧汤通粉嘅叉烧份量都唔少，通粉唔会煮到腍晒亦都唔会黏埋一团，加上够味又够热嘅汤底，收货了。
当你食到七七八八嘅时候，自然就会有侍应问你餐饮想饮咩，我哋就点咗冻柠水🍋同埋茶走☕️。柠水正正常常，柠檬🍋味清新，咁多年来冻饮都系偏细杯嘅，但而家仲有冻饮加$2真系比较少见。茶走茶味够香浓，配合香甜练奶，入口够滑身。
最后食完起身走人，成个过程由排队开始到离开唔使30分钟🙈。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整体食评：9/🔟
❤🙆♀️(为食妙妙)整体食评：8.5/🔟
👉🏻 炒蛋🍳同多士🍞一直以来都保持质素，唯一系坐得迫啲同食得急啲
A先生车友指数 🚗
🛣️ 交通容易指数：🚗🚗🚗🚗🚗(5/5)
🅿️ 泊车容易指数：🚗🚗🚗🚗(4/5)
👉🏻 附近几条街都有唔少表位🅿️，但泊唔泊到又系睇运气
👉🏻 港铁🚇佐敦站行过嚟5分钟之内可达，另外巴士🚌、小巴都可以轻易到达
🔆🔆🔆🔆🔆🔆🔆🔆🔆🔆🔆🔆🔆
张贴
