月橋正宗越南湯粉

营业中

休息中

以前居住加拿大，经常会去唐人街食越南火车头汤河，因为个汤底实在太好味。后来返嚟香港，十几二十年都揾唔到一间越南河系好食，问题都系出晌个汤底度。搞到每次返加拿大渡假，第一餐都必定要食火车头嚟止瘾。直到发现居住地方附近有一间叫“月桥“嘅Pho店，当然走去试试佢。再三强调，“汤“系一碗粉面嘅灵魂，直接决定好与坏。乜都未食先饮一啖.......。系啦，就系呢个汤嘅味道。一饮就知系用牛骨长时间煲过，先有呢种鲜味，同埋饮完之后唔口干。同埋佢啲配料如牛肉牛腩等等，冇比少你，真系好大碗。呢度嘅火车头绝对好过锦X同埋其他同类“嘅地方。一定系No.1嘅推介。相比之下，其他小食例如春卷同法式猪扒饱虽然都唔错，不过都有少少比下去。我都仲未试佢个越南咖啡。所以“欲罢不能，必定再来“。