肉肉強食 by 鋒膳 (已結業)

如果要数全港至平嘅铁板餐，你会谂起边度呢？香港三大连锁快餐店？定系港式怀旧冰室餐厅呢？今日我哋就嚟到位于长沙湾嘅肉肉强食by锋膳，惊喜见到呢度嘅铁板餐价钱超震撼，价值$20就叹到吉列猪柳铁板餐，绝对系冲击视觉同味觉呀！吉列猪柳铁板餐每日限量发售嘅吉列猪柳铁板餐只系$20，想食嘅一定要预早时间，因为卖晒就无架喇！至于呢份铁板餐价钱咁平，唔好以为份量同味道会偷工减料呀！呢度嘅吉列猪柳上枱已经有2大块，仲要系厚切，但炸粉唔会太厚，食嘅时候啖啖肉，够晒香脆，好好味呀！什扒铁板餐除咗至抵价嘅吉列猪柳铁板餐之外，仲有其他铁板餐，我哋另外叫咗什扒铁板餐，份量同样超多，有牛扒、猪扒、炸鸡翼、烟肉同司华力肠。特别惊喜系什扒铁板餐出现嘅牛扒都劲大块，好抵食！西冷牛扒铁板餐食铁板餐又点少得西冷牛扒呢，餐厅标榜唔落松肉粉，所以食得够晒健康。至于牛扒肉味juicy，我哋叫5成熟，生熟度啱啱好。配菜仲有粟米、甘笋、西兰花同翠玉瓜，整体份量够丰富。另外，如果升级做套餐，就包埋餐汤、牛油餐包、白饭/意粉/薯条、餐饮同甜品（雪糕或啫喱）。我哋特别钟意佢哋嘅餐汤，罗宋汤配料有薯仔、红萝卜、椰菜、蕃茄、牛肉等等，材料丰富；