Zeng

营业中

休息中

重阳假期，想食个开心Lunch撑枱脚，行街买开心嘢！网上介绍呢间餐厅有靓景。当到达现场时，我哋自动自觉扫描安心出行，员工好似未瞓醒咁，唔识scan返我个QR code，感觉好奇怪！挂羊头卖狗肉，上网睇环境好靓，到现场系有啲失望。露台无得坐，话出面唔知点解滴水，所以坐窗边，一坐落张椅，好似就快烂咁，所以转坐两人梳化位，不过张深蓝色梳化好多烟灰？抑或尘？我用手扫几下先坐低，相信餐厅老板开业前有用心装修环境，可惜员工嘅求其、无心工作令餐厅降Grade。Menu得一张纸，系指定Lunch set，Lunch set可选两款starter+一款main course，员工话我经OpenRice订位有个汤送，今日系忌廉汤，都无乜大感觉，因为对忌廉汤无兴趣。我先生负责点食物，金毛男员工好似发紧梦咁又语气态度差，既然就点餐咁少事，大家沟通得咁唔开心，我怕食物会出事或再受罪。点完餐一分钟后，我哋就起身走人，因为真系好差😔无下次🫵🏻其实你咁唔想做，不如你返屋企瞓觉啦。