影片
更多
2021-06-16
92 浏览
因为同女朋友都系喺喺港岛返工，收工之后都会揾吓啲港岛嘅餐厅去试吓，估唔到咁啱俾我揾到呢间咁好食嘅小店！坐落喺炮台山嘅 「闺·家」，喺地铁站行三分钟左右就到，去到嘅时候系夜晚八点几，人流唔算多，就咁入就有位….以佢OpenRice咁高评分，估唔到咁好彩撞正冇乜人嘅时间嚟….坐低咁啱坐中冷气出风位，就算我著恤衫坐惯office 都觉得有啲冻，亦都可能系咁，啲嘢食冻得有啲快，所以所嚟紧下面所有食评都以身一啖为准….个餐牌都有好多选择，以晚餐嚟讲，价钱真系好贴地，50蚊楼下就叫到个饭再包汤，喺港岛区嚟讲算系少见！我同女朋友分别叫咗莲藕饼猪扒饭同埋手撕鸡饭，大概等十分钟左右就整好。喺等紧嘅期间，佢送咗佢地自家制无味精老火靓汤，虽然份量唔大，但真系好足料，饮到浓浓嘅肉味，调味又唔会过咸，喺出面真系好难得会有餐厅花几个钟落足料唔落味精咁煲！仲要系跟饭送嘅！果然系良心小店！之后嚟嘅系热辣辣嘅手撕鸡饭，本身以为佢会系类似厚兴瑜记个只味，但食落发现佢嘅调味几有特色，配合浓浓嘅沙姜酱，算系几唔错啦！不过鸡嘅质感有少少梅，同埋佢冇皮！就唔系咁啱我呢啲鸡皮爱好者啦之后就到招牌菜，果然名不虚传！呢个猪扒，我俾10
坐落喺炮台山嘅 「闺·家」，喺地铁站行三分钟左右就到，去到嘅时候系夜晚八点几，人流唔算多，就咁入就有位….以佢OpenRice咁高评分，估唔到咁好彩撞正冇乜人嘅时间嚟….
坐低咁啱坐中冷气出风位，就算我著恤衫坐惯office 都觉得有啲冻，亦都可能系咁，啲嘢食冻得有啲快，所以所嚟紧下面所有食评都以身一啖为准….
个餐牌都有好多选择，以晚餐嚟讲，价钱真系好贴地，50蚊楼下就叫到个饭再包汤，喺港岛区嚟讲算系少见！我同女朋友分别叫咗莲藕饼猪扒饭同埋手撕鸡饭，大概等十分钟左右就整好。
老火汤
4 浏览
0 赞好
0 留言
喺等紧嘅期间，佢送咗佢地自家制无味精老火靓汤，虽然份量唔大，但真系好足料，饮到浓浓嘅肉味，调味又唔会过咸，喺出面真系好难得会有餐厅花几个钟落足料唔落味精咁煲！仲要系跟饭送嘅！果然系良心小店！
真·手撕鸡饭
3 浏览
0 赞好
0 留言
之后嚟嘅系热辣辣嘅手撕鸡饭，本身以为佢会系类似厚兴瑜记个只味，但食落发现佢嘅调味几有特色，配合浓浓嘅沙姜酱，算系几唔错啦！不过鸡嘅质感有少少梅，同埋佢冇皮！就唔系咁啱我呢啲鸡皮爱好者啦
莲藕饼猪扒饭
10 浏览
0 赞好
0 留言
之后就到招牌菜，果然名不虚传！呢个猪扒，我俾100分！唔会好硬同鞋！一食落口，猪扒嘅香味真系令人觉得哇一声！个莲藕饼啲莲藕爽口，两边煎得啱啱好，有种微微焦香嘅味道！仲有我好钟意食嘅雪菜喺侧边！不过个扣分位系啲饭冇乜饭香，加埋应该系用个大饭袋蒸，所以有啲太软，不过整体嚟讲都系好出色！强烈推介！
另外加咗杯冻奶茶，茶味好浓，不过唔算好滑，算系中上水平。
最后埋单两个加埋107蚊，食得好满足，价钱又实惠，真系好抵！
张贴
