氷川菓屋 (已結業)

呢两个礼拜既天气真系热到想死，第一样野谂起既除左雪糕之外就系刨冰，一向都支持小店既我听朋友介绍黎左呢间得8个位既刨冰小店，睇Menu都系得几款味道选择，3个人点左2款味既刨冰，蓝莓乳酪味同黑蜜黄豆粉味..可以睇到制作过程，我见佢分开刨左几层冰淋上蓝莓酱，绝对唔马虎。等左15分钟终于有得食，佢写明系用日本入口嘅纯水制冰，d冰都几绵，同埋我最怕就系d味好假既甜品，呢个蓝莓乳酪味第一啖食落去完全俾到惊喜我又唔太甜，中间有d乳酪一齐食好满足，我觉得我一个人可以ko成个刨冰..始终都系小店，人手唔够得老板(应该系)一个人整，刨冰都系逐个逐个上，食完个蓝莓味终于上第二个..呢款刨冰上面有d红豆蓉，倒埋d黑糖同丸子落去一齐食个口感好有层次好清新..但系试完个蓝莓味再试呢个黑蜜黄豆粉味，个味会有d俾盖左，下次一定会再黎试埋其他味道。