玄鮨 (已結業)

又到复活节嘅最后一日，成个假期都冇乜做过啲乜嘢，系最后一日梗系要食返一餐好嘅为呢个假期写上完美嘅句号。于是乎我同女朋友就嚟咗呢间铜锣湾米之莲餐厅食午餐。一坐低就送上热香麦茶，等我哋可以慢慢拣嘢食。前菜系芝麻牛膀，有淡淡酱油香味，爽甜开胃。我同女朋友都不约而同拣咗三色丼，即系有海胆、三文鱼子、香葱吞拿鱼蓉。呢个三色丼大大碗，三样𩠌个份量一啲都唔小，完全铺满晒成个碗面。海胆带有微微海水味，极度新鲜甜美，食起嚟一啲腥味都唔会有。三文鱼子大大粒，咬破表皮之后，里面嘅汗液非常鲜甜。香葱配上吞拿鱼蓉亦都系一个绝妙嘅配搭，香葱充分突显左吞拿鱼嘅鲜味。而饭入边亦都加咗少少醋，令人很醒胃。饭裹边仲夹杂左少少甜腐皮，腌制过的菇片，成个饭绝对系百分百美味。炖蛋中有柚子皮，取其香味，仲有猪肉、蚬肉、冬菇等等，配合咁多种材料嘅鲜味，炖出嚟蛋滑美味。食完个大碗当饭之后，仲有一个冰冻soba。荞麦面够冰冻，完全能够refresh到味蕾。最后有自家制水信玄饼作甜品，水原饼里边有金箔，为呢个甜品添上几分贵气。呢一餐真系101分，好期待下次再嚟呢度食。