榮園麵家

营业中

休息中

都有几个月冇帮衬荣园，突然之间唔记得咗佢嘅鱼片定鱼蛋好食啲呢？巷仔𠮶阵我钟意食鱼片，但系入咗舖之后鱼片好似唔系好得。是但啦，叫咗个牛筋鱼片河。结论系，鱼片偏厚实，似交来货，完全不似旧时模样，印象中，鱼蛋应该好食啲。牛筋炆得够腍入味，腩汁浓厚，不会像某些新店，花椒八角味太抢。腩汁芥兰，正正常常，但就不会像麦文好旺角般，有「拣手油菜」的质素。唯有河粉依旧幼滑，暂时荣园仍是香港众多鱼蛋粉之中，我最钟意的河粉。一提起荣园，好多人就会话已经唔及得喺巷仔以前咁好食，直头差咗好多，但系我谂：依家香港嘅渔获都差咗好多，红衫鱼大眼鸡都变咗贵价鱼，点可能仲要求同往日嘅味道一样呢？何况，入咗舖之后，有冷气，卫生环境亦同以前好唔同。有失亦有得，事过境迁，记取今日，活在当下。