麵屋丸京

营业中

休息中

今日喺荃湾上完堂，突然好想食拉面。上openrice睇喺地铁站附近边到有啦，揾到路德围有间丸京，二话不说即刻去食。可能8点半ge关系，门口无乜人排队，等咗几分钟就有位可以坐低。呢排有少少唔舒服，唔想食得咁重味，最后拣咗清汤ge真叉烧拉面，即系3块普通3块慢煮ge叉烧。虽则话有3块系普通，但味道同咬口都唔错，有应有ge肉味，同有𡁻头。慢煮𠮶3块就系一个字淋，同埋有肉香。两种唔同ge叉烧配搭真系唔错，尤其系块叉烧ge边边位，有一种好似食紧黑椒猪手ge香味。汤底清甜，唔会好咸但又够味。食完饮晒个汤都无问题。面质我拣咗淋，但佢无煮到糊状一patpat咁，仍然有应有ge咬口。喺香港食碗拉面都要8/90蚊ge情况下，丸京ge拉面性价比真系算高。