黑窗里

营业中

休息中

一早订咗位，个朝收到message可以叫定嘢食。见到个餐牌好疑惑，你哋见到食物名就会明。唔理咁多就每个主食各一，汤每人一个，甜品一个。墨式青椒芫茜忌廉酱凉拌烟斗粉配温泉蛋好味，少少带酸好开胃，烟斗粉Al dente，笃爆只温泉蛋一齐吃更香。后来我哋叫多一客配煎天贝（挂住食冇再影相），天贝系印尼发酵嘅黄豆饼，质感有点像硬豆腐，煎香咗几好食。甜椒烤南瓜藜麦车厘沙律拼烤麦配中东鹰嘴豆酱沙律好好食，南瓜软糯，羽衣甘蓝没有青草味，甜椒同车厘茄都好甜。烤麦饼配埋私心选嘅鹰咀豆酱（其实有几款自家制嘅酱），都系好食（词穷了）。印度菠菜羊奶芝士masala 伴长米饭长米饭软硬适中，masala酱汁都几惹味，拌饭一流。椰香姜黄蕃茄甘笋扁豆汤饮到有甘笋嘅纤维，有质感的餐前汤，味道有蕃茄甘笋的甜，椰香和黄姜味唔会太抢，各种味道很balance。和胃麦香桂花茶麦香和桂花很夹，清新嘅味道好啱夏天饮，暖茶对胃部也很有益。水蜜桃乌龙茶冻（都系挂住食冇再影相）简简单单茶冻有茶香，茶冻弹牙，内有清甜嘅水蜜桃，好啱夏天食，有消暑感觉。