南翔饅頭店 (已結業)

初头谂住「南翔」呢间上海老字号，应该唔会令人失望。可惜，荃湾店呢间可能系最难食嘅南翔店。我可以话：如果唔系在上海食过南翔馒头店，我可能以后都唔会在地球上食南翔！有其他会员话呢间店服务差，我都一早唔抱咁大期望。叫侍应冲茶都好辛苦；枱面竟然无镇江醋，问佢地攞又搞一轮先拎到…总之就符合大家所讲的：服务麻麻。食物方面，我地食咗鲜肉小笼、萝卜丝酥饼、葱油饼同鳝糊炒粗面。小笼包：唔好同上海比，根本两回事。同香港其他上海食店，我可以讲太古城的君颐、将军澳中心的霞飞，甚至于连锁店翡翠拉面都好食过佢。不值一试。萝卜丝酥饼：同平常食的完全唔同，个皮又硬又无味，里面又无乜萝卜丝，仲要唔热！葱油饼：好似食唔热的包，又唔香又无味！一碟三件，我地一家三口先勉强食咗一个，你话难唔难食？鳝糊炒粗面：本来味道不错，但个侍应一放低我地就食，都可以觉得唔够热。鳝糊又唔多，唔抵食！BTW 坐我地隔离枱都有人投诉条鱼有鱼腥味，证明唔只我果枱有问题。总括而言，挂住「南翔」的旗号去做啲咁嘅质素的食物，只会影响佢名声。如果上海人嚟食肯定笑死佢地！希望佢地改善下啦！