魚川居 (已搬遷) 新店位置

今日收工喺观塘揾咗一间位于工厂大厦入边嘅隐世美食。工厂大厦上到去5楼之后行到最尾有一间近排新开张嘅任食火锅餐厅，入到去就好快拣咗食边一个餐，因为第一次上到去拣咗最平嘅𠮶一款套餐，但系呢一个套餐已经好够食。至于汤底方面，餐厅店员推介个酸菜鱼汤底，同埋出边任食海鲜其中一款有鱼可以选择，所以酸菜鱼都系其中一个好夹嘅汤底。L1 任食特级肥牛 & 精选海鲜锅底：酸菜鱼基本上嘢食都系出边自取，首先有熟食区，饮品区，同埋蔬菜+海鲜。熟食区方面有泡椒猪脚凤爪，麻辣猪脚凤爪猪耳云耳等等。饮品区除咗有两款餐厅冲嘅嘢饮可以选择之外，仲有好多唔同罐装包装嘅饮品。蔬菜及海鲜类方面有好多唔同嘅选择，而且海鲜类嘅嘢食都几新鲜。至于牛肉猪肉方面，每一个套餐都有果款套餐嘅纸可以落单，我哋都系叫咗每样一款去试吓，但系最令我感到惊喜嘅系餐厅有土匪鸡翼同埋炸鸡软骨可以俾你落单，新鲜炸起嘅呢一类食物真系冇得输。整体来讲，呢个价钱CP值都几高，但系餐厅位置就比较偏门少少，不过今次我知道咗之后下一次会预早book定位，其实都几唔错好好食。