小神燈新派飯館 (已結業)

住将军澳嘅朋友话呢间餐厅好好食又出名👍,啲菜式够特别,一定要嚟食下~呢个金沙鬼马百花酿油条非常邪恶😈,因为个面真系碌满咗咸蛋黄🥚!个油条炸到脆卜卜,再加埋弹牙虾胶~作为餐前小食非常开胃~焗鱼肠真系好少见,但又好甘香🐟~佢都系用砵仔焗炸,所以表面好脆,而入面嘅蛋又好滑~佢除咗鱼肠,仲有啲叉烧条~连埋啲辟肠嘅陈皮同芫茜🌿,真系好香滑~我个人反而最喜欢佢呢个腿茸菜胆鸡🐔~个味道系浓咗少少,但真系好香~个汁非常浓稠,有腿茸香味🍖,又有咸香味~估唔到中式菜馆都有炸猪手🐷,而且猪皮脆卜卜,效果唔错😋!味道调校得好,啲肉就偏干咗啲,但猪皮真系香脆无油腻感~因为见到隔离台啫啫芥兰煲上台时非常香,所以我哋都叫咗~佢好够热,一打开仲系吱吱声,而且芥兰炒得好够味,仲有啲虾干添🦐~呢度除咗可以饮茶,仲有酒类同特饮可以叫~朋友叫咗仙人掌梳打特饮🌵,其实即系火龙果味道~而我就叫咗菠萝梳打特饮🍍~唔算太甜,仲有好多椰果同乳酪爆珠~哥晚去到无耐就全场爆满了,真系好受欢迎🤩!因为呢度怀旧菜式又有,新派菜式又有,同长辈或者同朋友嚟都好适合~