上泰

营业中

休息中

公司午餐，同事想食泰国野，附近有间泰国野，⬆️泰。平时夏天真系唔会黎，因为要行一条山路，太热。餐厅午餐时间都唔多人，店面好企理，作为一间乡村入面的餐厅，算系几美轮美奂。墙壁上面挂左个泰国的贵族，我对泰国民化唔系太熟，所以唔知佢系边个，我相信应该系一个皇佬。个午餐menu唔系好多选择,价钱响附近黎讲都算系普遍贵10蚊。我拣左个泰式炒公仔面，d面好干，无乜油，食落口出奇地淡，味道唔算突出，反而系有一点失望的。我拣系配牛肉，d牛肉感觉几新鲜，不过咬口好奀，估计系无用泡打粉处理过。整体10分满分的话，只有3-4分，唔系太好食。下次可以试下个菠萝炒饭，同事反而话不错饮品我拣左冻奶茶，既然系响隔离茶餐厅拎过黎，估计系同一个老细，杯奶茶好普通，所以无影低。叫左少甜但都系甜到爆。整体食物和饮品的质素属于中下。