Pici

营业中

休息中

一坐底就有餐前法包食 ，口感外表正常咁硬硬地，但未会硬到咬唔到，入面就软熟烟韧，但就系冻冰冰既，用纸袋上既好处系食唔晒可以拎走做第二日早餐😂餐厅亦好细心有口罩套，质地厚实，可以重用👍点左一个黑松露意粉，有黑松露味但唔会好浓，成个意粉比较岩唔太重口味既朋友仔，同行友人就觉得味道适中，但我就期待可以咸多少少吊一吊味。另外口感可能因为系细条面，唔系好食到手工面既口感，$180黎讲有啲失望。另一失望既意粉，口感一样唔系好有手工既烟韧感，但有好过黑松露个个少少，下次可能叫啲粗少少既面，另外无咩墨汁味，鱿鱼份量亦都得少少，有啲孤寒。奶味够重，亦都滑身，底既蛋糕咖啡味都岩岩好，唔会好苦，如果整体甜度减多少少就好！整体黎讲，好似无港岛分店咁出色，环境都几舒服，唔限时，倾计都几合适。