回到味來 (已結業)

食尽各大鸡煲、火锅嘅小编， 知道油麻地开左间集鸡煲、海鲜、火锅于一身嘅私房菜— 「回到味来」， 梗系要黎试下啦！😏 餐厅装潢较传统火锅店时尚， 大部分都系卡座位，坐得舒适。 未叫火锅之前， 先上个自家制凉菜—酸辣藕带， 藕带中间嘅细孔，满满浸润汁液， 一口咬下去，酸辣香甜，清爽脆嫩，好开胃！😌 打边炉先混个酱， 基本嘅生蒜、炸蒜、香葱、芫荽、唐芹、辣椒🌶️都有。 虽然见好多食客都黎食招牌麻辣鸡煲， 不过其实仲有多款火锅可选择， 黎得呢到，梗系要试下药膳汤底结合出黎嘅火锅啦！😏 招牌药膳红烧牛肉（$168） 用上当归、杜仲、川芎、枸杞等的药材， 香浓而不油，没有半点苦涩味， 配上特选牛肋条，炆煮至腍身，吸晒汤汁嘅精华， 无谂过味道竟然可以咁夹，真系好好食㖞！😋 而且份量超多， 两个人食嘅话，叫多两三个配料就够啦！😏 火锅配料多样化， 肉类、海产、蔬菜、丸类、饺子、粉面等样样齐。 手工饺拼盘（$46） 卖相非常精致饺子， 用酒樽造型嘅器皿盛载着， 未食已经觉得好吸引～😍 菜肉饺， 韭菜饺，鲜虾云吞， 一睇就知皮薄馅靓， 从薄薄的外皮已经见到嫩绿色的韭菜系饱满的饺子里面，正！👍🏾