傷心酸辣粉 (科學館道) (已結業)

咁热既夏天其实就要食D甜嘢或者辣嘢先开胃，好想食酸辣粉，不过呢排又太热气啦，又唔想食得太辣，点算好呢？于是叫店员帮我走辣，估唔到真系完全可以唔辣㗎! 而由于佢嘅汤底配菜都好多，所以仍然好好味! 汤底有咩？我数得出既有芹菜啦、肉碎啦、有虾米、有花生 、仲有菜脯等等，同埋可以保留酸味，所以真的不防走辣。另外，我好记挂佢个薯粉呀！冇乜边度嘅薯粉可以做到佢咁爽滑， 而且佢可以吸哂个汤底，真系好醒胃!至于口水鸡唔辣好食咩? 其实佢都好有芝麻香㗎，所以大家可以放心叫唔辣!