影片
更多
2023-10-29
43 浏览
最近朋友屋企附近嘅商场装修，重开之后，变成全部都系连锁店，有特色同有自己风格嘅铺头，大家都慨叹要绝迹啦。为左咁我地特登约好，周围去揾一啲出色嘅小店，以表示支持。其中一个方向系向高空发展，香港有好多楼上既餐厅。但要揾到一间好嘅，其实都好似揾粉红色既野一样，可遇不可求。但今次朋友揾到嘅呢间，真系唔错。 🍖 同普通餐厅都系一样，个餐都系包左甘笋汤或沙律，但呢度既感觉系更加健康，甘笋汤饮得出系用新鲜甘笋打成puree,冇额外加好多水，浓稠适中。沙律加左藜麦，口感丰富左，超级食物往往令人感觉对餐厅既选材更有信心。 🍖香煎盲𫚧，外皮煎得焦脆，而且干身，冇额外嘅油份，相反肉质嫰滑但系又唔会松散。值得一赞系佢既调味，一反传统，鱼喺配搭咗椰香咖哩汁，椰酱嘅香味，好醒胃，咖哩嘅味道唔刺激，淡淡咁渗出来，相当合衬。而且个酱汁系分开上，估计系因为知道客人未必个个钟意创新配搭，所以可以俾客人随心选择。 🍖牛肉选材部份系Flat Iron，不过份量相当大，好成10oz. 所以非常厚切。Flat Iron有啲人话系成只牛第二嫩滑既肉，但系大家都唔想用，因为中间手工复杂，要有独特嘅切割方法先至可以得到呢块肉。如果筋膜
🍖 同普通餐厅都系一样，个餐都系包左甘笋汤或沙律，但呢度既感觉系更加健康，甘笋汤饮得出系用新鲜甘笋打成puree,冇额外加好多水，浓稠适中。沙律加左藜麦，口感丰富左，超级食物往往令人感觉对餐厅既选材更有信心。
🍖香煎盲𫚧，外皮煎得焦脆，而且干身，冇额外嘅油份，相反肉质嫰滑但系又唔会松散。值得一赞系佢既调味，一反传统，鱼喺配搭咗椰香咖哩汁，椰酱嘅香味，好醒胃，咖哩嘅味道唔刺激，淡淡咁渗出来，相当合衬。而且个酱汁系分开上，估计系因为知道客人未必个个钟意创新配搭，所以可以俾客人随心选择。
🍖牛肉选材部份系Flat Iron，不过份量相当大，好成10oz. 所以非常厚切。Flat Iron有啲人话系成只牛第二嫩滑既肉，但系大家都唔想用，因为中间手工复杂，要有独特嘅切割方法先至可以得到呢块肉。如果筋膜去得唔好，客人就会食得好辛苦。我系习惯将成块牛扒先切成一粒粒再开始食既人，手起刀落，呢块牛扒要切开一d难度都冇。证明前处理做得非常之好。而且都好有牛味。再加上佢伴碟嘅薯条，排得非常公整，可以睇得出厨师嘅一丝不苟。
🍺✨️超级加分位系餐饮，我地叫左一个蜜桃薄荷梳打同一个冻柠茶。蜜桃梳打，个伴碟成棵花咁，打卡啦喂。最劲系冻柠檬茶，一片柠檬都冇，但超重柠檬味。唯一做到嘅方法，就系将柠檬先鲜榨，再加入茶底。哩个谂法好好。柠檬本来系有益既食物，咁样处理除咗俾个客人充分摄取到柠檬精华，又唔会比一片片嘅柠檬或者的核阻住支饮筒。赞!
厨师嘅用心，往往喺大集团嘅菜式都唔能够体验到，多啲帮衬小店，发掘下，感受下，其实都系一种乐趣。
张贴
