八時神仙草 (歌賦街)

营业中

休息中

餐厅名「八时」嘅由来系因为店家坚持长时熬煮陈年仙草干8小时，以无碱的方式制作，让仙草本身释放胶质凝结成冻，又天然又健康，与别不同，一直好想试。今次试咗打卡一流嘅抹茶燕世雪花盛盘，好出名既烧仙草盛盘，加上2杯饮品 - 白玉燕世仙奶茶（冻）以及圆仔红豆紫米牛奶（热）。抹茶燕世雪花盛盘用整块仙草制成雪花冰，完全冇加糖水，雪花冰呈丝状，口感软绵绵，可以加埋花奶一齐食，雪花冰下面仲有冻仙草，口感烟韧，卖相同口感都一流👍🏻烧仙草盛盘一开始仙草系液体状态，再慢慢凝结成冻，非常特别，食到仙草有种回甘嘅味道，咬落去烟韧又滑嫩，食完一啖会想再食😋。芋圆同理薯圆非常烟靭同比平时食到嘅大粒，咬落去食到少许芋头同埋番薯嘅微粒，我哋最后加钱额外encore 芋圆。饮品白玉燕世仙奶茶入面嘅配料有白珍珠、仙草、燕麦颗粒，非常丰富有口感，烟靭天然无添加嘅白珍珠同埋滑嫩嘅仙草，加上燕麦颗粒有咬口，层次感丰富。圆仔红豆紫米牛奶系一个好健康嘅选择，同样配搭丰富。