台南阿豆仔 (已結業)

Snowbellmama 今日突然间想食台湾野，喺铜锣湾行完Time Square𠮶边，朋友提议去白沙道再睇下波鞋。点知比我见到呢间台南嘢食，就忍唔住执咗朋友入去医饱个肚先！讲真啦，台南到底系食乜，我一啲Idea都冇。平时喺香港食嘅台湾野，多数都讲明话系台北过江龙之类，好少听佢话系台中或者台南嘅餐厅。上次去完台北，对于佢嘅排骨汤念念不忘，喺香港真系揾唔到𠮶只味。而今次见到嘅系药膳排骨汤，我又抱有期望try try。药膳排骨汤嘅药味真系几重，仲有少少似肉骨茶添，有一种甘香嘅余韵，我估未必系人人都钟意，但我都接受到。之后仲叫咗一个卤肉饭，同平时识开嘅都冇乜唔同，不过今次嘅卤肉就肥咗少少，有啲食到油腻嘅感觉。而卤水拼盘都唔错，猪大肠同萝卜都腌得好入味，我几钟意㗎 ！