台南阿豆仔 (已結業)

当想食台湾嘢，往往要走到西营盘阿元。得知铜锣湾新开左间台湾嘢叫“台南阿豆仔”，当然高兴啦！便马上同陈小姐去探过究竟。星期日三点几去，间店无乜人？！如果呢段时间去阿元都仲系满满人……唔通有伏。拍下心口走入去，坐底见到✔✔纸，点解无炸嘢？例如盐酥乜、盐酥物？饮品无选择甜同冰份量？无办法，唯有选左鲁肉饭、蚵仔煎、炒米粉、麻油鸡汤，饮品就要左杯冻柑桔水。鲁肉饭先来，味唔够、汁唔多，一般般，好彩叫左一碗。蚵仔煎乜煎到好似奄列咁？发生乜嘢事？唯有估只碟太细，叫呀蚵生将就下啦！又无辣酱，问伙记攞，竟然俾辣椒油！无嘢呀……到炒新竹米粉，呢个终于叫正常，好似鲁肉饭咁，都系唔够味，粉再爽一点比较好，又系用辣椒油打救！终于到麻油鸡汤，汤唔够热，有基本麻油味，可借个汤“水嬲嬲”。竟然有两片姜，但个汤又无姜味，好Flat…算啦算啦，食好嘢唔好懒，还是返去西营盘。