那個ㄋㄚˋ ㄍㄜ (仁愛堂街)

营业中

休息中

话说收工又约左老友食晚餐，大家都无乜目标就周围行下先，我就顺便去马会入钱，入完行下附近见到呢间主打台南风既小店，门口望下餐牌价钱唔算贵，见有位就入去上试试啦。店面好细，大约唔够10张2人枱，人多数就拼埋一齐，落单用QR code，台内得1位店员负责传菜同执枱，位与位之间会比较迫d，另外都有免费既茶同水自助饮用。砍香啤酒猪软骨面，面有3款拣我拣幼面，面质都ok唔会过腍，汤底都几浓味偏甜，猪软骨都算腍但肉质好鞋，比较老，略差少少，另外有得选择跟个樱花虾辣椒油，唔洗加钱，都算几香加埋面增添左风味。古早味手工卤肉拌面老友拣既，卤肉味都算几浓几香，面都系幼面正常。薯饼跟餐加9蚊追加左炸薯饼，超市急冻货无乜特别，胜在新鲜炸够香脆。夜市鸡皮卷跟餐加25蚊，外皮香脆包住鸡肉，调味粉都木惹味，呢个几好食。店内都有多款台式特饮选择。总结黎讲台式小店正常水准，食物质素不过不失话好差或好惊艳，价钱算系ok。