圓山台灣料理 (已結業)

内地亲友趁住新年节假期专程到港一同团年，作为东道主当然要招呼下佢地啦。所以一收工就过黎尖沙咀汇合佢地。见佢地一袋二袋咁满载而归即刻提议食个晚饭先，费事大家饿亲。所以带左佢地黎圆山，一来系质素唔错，二来系有传呢度系明星们嘅私家饭堂，睇下会唔会有机会撞到一个半个咁啦。一行五人但又唔算太肚饿，所以点左个４人套餐再点多个𩠌就啱啱好。先黎系台湾卤肉，五花腩肥瘦层次分明，煮得入味而且一啲都唔油腻。因为肥肉嘅油分逼晒出黎，令到腩肉食落松化又惹味。台式蚵仔煎，蚝仔分量好多而且粒粒都饱满鲜味，混合蛋饼及香葱，既有蚝仔软嫩嘅口感又有爽脆葱花，味道好扎实。阿里山桂竹荀，竹荀爽脆又够嫩无渣，因为本身味道清淡，所以配上豆瓣酱调味。食落豆瓣酱嘅辛香辣味配合得宜但又唔会太浓呛。拼盘三味：盐水鸭／蚝油生肠／麻辣鸭舌。蚝油生肠完全无猪膻味，简单以油盐水煮熟但味道十足，食落冰冻爽口。麻辣鸭舌及盐水鸭都系冻食，鸭舌比想像中无咁辣反而系甜甜麻麻的好过瘾。而鸭肉则结实有咬口，味道有淡淡嘅酒味愈咀嚼鸭肉味愈出，两样都好啱做佐酒菜。基隆花枝羹，微酸微甜微辣的五味杂陈。材料丰富之余花枝又够弹牙加上汤羹浓稠度啱啱好，食下食下又一碗咁好