影片
更多
2020-06-02
1383 浏览
自从带饭返公司食之后已经很少外出午膳，今日因为要嚟「一田」入货，所以决定去商场买外卖。拣咗地库呢间「百芳池上便当」，其实呢间餐厅都开咗有大半年，但一直未帮衬过。餐厅主打台式便当，另外亦有红烧汤面、肉燥干拌面、台式小吃和一系列百芳饮料等供应；而价钱方面亦颇实惠，啱晒附近嘅上班族。点咗一个便当套餐，等候其间，入内看看四周环境，原来入面都几大，地方宽敞阔落，而且还有不少座位。百芳卤鸡扒便当 ($63)：个便当包一杯饮品，有阿萨姆红茶、茉香绿茶、碳焙乌龙可供选择，另外亦可以加钱转其他台式饮品，拣咗杯珍珠奶茶 (+$12)。个便当好足料，除咗饭面的鸡扒之外，另外仲有粉丝、肉碎粟米、椰菜、红萝卜丝同半只卤水蛋。块鸡扒有成大半只手掌咁大，非常厚身，卤到入晒味但又不会腍烂，肉嫩又鲜甜，入口啖啖肉。至于杯珍珠奶茶味道亦不俗，喝起来顺滑圆浑，茶味清香，甜度适中，茶奶融合。另外珍珠的份量亦下得好慷慨，够大粒，分明不黏糯，嚼感突出。见到店舖有台湾粽卖，月尾可以落嚟买番啲返屋企应节。
拣咗地库呢间「百芳池上便当」，其实呢间餐厅都开咗有大半年，但一直未帮衬过。
餐厅主打台式便当，另外亦有红烧汤面、肉燥干拌面、台式小吃和一系列百芳饮料等供应；而价钱方面亦颇实惠，啱晒附近嘅上班族。
点咗一个便当套餐，等候其间，入内看看四周环境，原来入面都几大，地方宽敞阔落，而且还有不少座位。
百芳卤鸡扒便当 ($63)：个便当包一杯饮品，有阿萨姆红茶、茉香绿茶、碳焙乌龙可供选择，另外亦可以加钱转其他台式饮品，拣咗杯珍珠奶茶 (+$12)。
个便当好足料，除咗饭面的鸡扒之外，另外仲有粉丝、肉碎粟米、椰菜、红萝卜丝同半只卤水蛋。块鸡扒有成大半只手掌咁大，非常厚身，卤到入晒味但又不会腍烂，肉嫩又鲜甜，入口啖啖肉。
至于杯珍珠奶茶味道亦不俗，喝起来顺滑圆浑，茶味清香，甜度适中，茶奶融合。另外珍珠的份量亦下得好慷慨，够大粒，分明不黏糯，嚼感突出。
见到店舖有台湾粽卖，月尾可以落嚟买番啲返屋企应节。
张贴
