囍筷 (已結業)

今日lunch跟同事都冇带饭，所以就出左去睇下有咩食，但是lunch的时段间间餐厅都好多人，见这间小店有台式便当卖，所以就决定跟同事买返公司食!这小店舖仔细细，但估唔到有好多OL都黎到呢度卖外卖返公司食，去到小店时枱上已放满一袋袋等待拎走的外卖!看看餐牌，上面有几款不同的套餐，而每款套餐都配有饮品一杯!囍筷咸水鸡凉盘配时菜，这款是同事点的，咸水鸡像手撕鸡，好够盐味，酱汁带有少少酸辣，几开胃!时菜配有西兰花、青瓜、菇、红萝卜等，几爽口!卤肉饭配有卤肉外，还有台式香肠半条、蛋角、酸瓜和渍物，都几丰富!盐酥鸡配卤肉饭，监酥鸡唔会炸得好干，椒盐都好够，味道刚刚好!而卤肉饭配有的蛋角是菜圃蛋角，几有咬口，卤肉是半肥瘦的，食落又唔会太油腻!冬瓜茶好香浓，但是又唔会太甜!红茶，由于其他两款茶都卖完了，所以点了红茶，红茶少少甜，有红茶的涩味，都唔错!铜锣湾多写字楼，叫下这些外卖回公司吃都不错，省去等位的时间!