台北巷弄 (已結業)

🔸台式排骨便当 $60🔸仙草冻奶茶 +$10🔸酱油鸡翼 +$13-台湾瘾起买返个便当晚餐，当自己去咗台湾食台铁便当😢呢间便当晚餐好抵食，由$50至$70不等，我就拣咗中间价位嘅台式排骨便当。便当嘅排骨好大块，而且会同饭分开另上，唔会将啲油痴晒落碗饭度，几细心。而且饭并唔系普通白饭咁hea，仲有啲卤肉同卤汁，同埋少少配菜同溏心蛋，台湾味浓厚。便当晚餐仲送多碗汤，白菜同木耳丝都有，一啲都唔hea啊。一场嚟到紧系叫埋小食，加$13就有两只鸡翼，再加埋杯手摇，充分咁体验咗台式便当全餐好满足啊！