百芳池上便當 (大河道) (已搬遷) 新店位置

如果想食得快当然系食快食，但如果想质素好味，这里可能又系一个选择，同朋友行完Aeon 超市，想食埋饭先回家时。见到佢嘅餐有我最爱嘅香酥炸鸡腿便当，因见到人地食紧大大只好吸引！当然还要加埋杯人气嘅芝士奶盖红莓果茶先系最佳配搭！先付款再等，坐低慢慢等(其实出得好快)，上枱饮品同个便当一齐来！大大只炸鸡腿同饭分开上，而个饭上有卤蛋、粟米粒、台式卤肉、菜同粉丝等铺满了个饭，当然第一时间就系先食了只香炸鸡腿，炸得十分香脆，皮薄肉嫩，十分满意！而个弹牙烟韧嘅饭加埋配菜亦十分好味！而杯奶盖红莓果茶亦十分出色，奶盖够晒香滑浓郁奶味！而红莓茶味亦十分出色香浓，食完炸鸡腿再加啖茶爽！朋友就点了台湾焢肉便当，朋友喜欢个种台式煮法，焢肉大大块之余，入口十分软淋软熟，加埋夹杂住肥美嘅软滑嘅脂肪入口更滑溜！同埋加埋杯黑糖珍珠仙草鲜奶加埋布丁，香浓嘅黑糖味道加上解暑仙草同烟韧嘅珍珠，真系多重口感！我再追加了个台式香肠，煎得十分香口，入口香脆，好有在台感觉！快饭快出，不停都有人买外卖回家，抵食！