臺坊 (加拿分道) (已結業)

炎夏来了要透心凉既感觉，唔一定食雪糕，饮汽水。食个冷面都有同样效果，加多杯冻珍珠奶茶，更是锦上添花。今日行过尖咀，满口大汗，正好有大半个钟先够钟，就走左入呢间台式小店，黎个速食冷面，休息下，加下油。位置不多，布置简约，地方整齐清洁。入口有部自助order机，很方便炸豆腐冷面$55炸豆腐，热辣辣，即叫即炸，口感外脆内滑，面层还洒了一点椒盐作调味。如果加埋办酱，就好似食紧臭豆腐咁正。冷面有大量青瓜丝和蟹柳丝伴麻酱，夏天食落好舒服。珍珠奶茶（跟餐价$6）叫左少甜少冰，甜度刚好，岩我口味。加埋呢杯珍奶，几热都唔怕啦。不过啲珍珠太多啦，食唔哂浪费之余，我想饮多两啖茶罗。